英特爾（Intel，納斯達克：INTC，港交所：04335）
英特爾（Intel，納斯達克：INTC，港交所：04335）係世上最大半導體公司，亦係第一間推出x86架構處理器嘅公司，總部響美國加州聖克拉拉。由羅伯特·諾伊斯、高登·摩爾、安迪·葛洛夫，以「集成電子（（Integrated Electronics）之名喺1968年7月18號共同創辦公司，將高階晶片設計能力同埋領導業界嘅製造能力結合起嚟。英特爾亦有開發主機板晶片組、網路卡、快閃記憶體、繪圖晶片、嵌入式處理器，對通訊同埋運算相關的產品等。「Intel Inside」嘅廣告標語同奔騰系列處理器喺1990年代間非常成功咁打響咗英特爾嘅名堂。
英特爾早期開發SRAM同DRAM嘅記憶體晶片，喺1990年代之前呢啲記憶體晶片係英特爾嘅主要業務。喺1990年代，英特爾做咗相當大嘅投資喺新嘅微處理器設計上同培養快速崛起嘅PC工業。喺呢段期間英特爾成為PC微處理器嘅供應領導者，而且市場定位有相當大嘅攻勢同有時令人爭議嘅行銷策略，就好似微軟一樣支配住PC工業嘅發展方向。而Millward Brown Optimor發表嘅2007年喺世界上最強大嘅品牌排名顯示出英特爾嘅品牌價值由第15名跌咗10名到第25名。而主要競爭對手有AMD、輝達、Samsung同台積電。
